الموضوع بدأ طبعا هنا ان انا قرأت موضوع عن ازالة الشعر نهائيا من منطقة معينة ..... وبعدين انا قررت ان انا اعمله
فعملت الأتى
اولا عملت سويت كويس فى رجلى كلها من فوق لتحت
وبعد السويت مسحت جسمى بويبس (المناديل المطهرة)
وبعدين جبت ملح من المطبخ (زى مقرأت فى الوصفة)
وبعدين نديت جسمى بالماء
وبعدين حطيت الملح على كف ايدى ومسحت رجلى رايح جاى .... مش جامد احسن تلتهبوا وتدعوا على
وبعدين جبت كيس زبالة (لا موأخزة)
وفتحته من تحت قد القدم ولبست كيس على كل رجل وقفلت الكيس بأستك
بحيث ان الكيس يكون محكم الغلق
ولبست عليهم بنطلون سترتش وقعت كدة 3 -4 ساعات
فى الوصفة قرأت انام بيه بس يا بنات الكياس بتشوك خالص مقدرتش اعمل كده
اهم حاجة ان الرجل تعرق جامد
وبعدين غسلت رجلى
أول ملاحظة ان الجلد نعم جدا وكان زى الحرير
تانى ملاحظة انه كان بيلمع ( مش عارفة ليه)
ودلوقتى انا بقالى 3 اسابيع مع العلم انى مشعرة مفيش ولا شعره
ده ولا السحر.جلا جلا...وينفع لكل الجسم لانى جربته على حته تانية
وعمل شغل بردو جامد صحيح مرحش خالص بس خف جدا
(ده لأنى كنت خايفة وانا بعمله فمعملتش بزمه ومقعدش بالكيس كتير)
انا قلت اقول لكم يا بنات والاول جربوا على رجلكم علشان تشوفوا جسمكم احسن يطلع حساس زيادة تدعوا علياعنكبوت الشر
واذا راح الشعر وعجبتكم الوصفة ادعولى بظهر الغيب منقول ومجرب باىىىىى